Orzular ro’yxati: Sayohat qilishingizga arzidigan 10 ta joy

Qayerga borishni orzu qilasiz? Taxmin qilaylikchi: Parij, Milan, London, Maldiv orollarimi? Turli sayyohlik yo'nalishlari haqida biz teledasturlardan va porloq jurnallardan bilamiz: shu uchun ular birinchi bo'lib hayolimizga kelganligi ajablanarli emas. Sizga ro'yxatni to'ldirishga yordam beramiz: bizning sevimli sayohat shaharlari haqida o'qing, ilhomlaning va harakat qiling!

Singapur
Agar siz issiqlik va yuqori namlik cho’chimasangiz, Singapurga boring: bu qulay dam olish uchun juda mos keladigan joy. Bir maromdagi ritm, aniq navigatsiya, soatni tekshirishingiz mumkin bo'lgan jamoat transporti — siz o’zingizni uyda yurgandek qulay his qilasiz. Bu yerda dunyodagi eng go’zal botanika bog'laridan biri joylashgan: YUNESKO himoyasi ostidagi 74 gektar yerni suv o'tloqlari, noyob gullar va porloq ko'llar egallagan. Mahalliy aholi 10 xil dinga e’tiqod qiladi, bu esa o’z navbatida, shaharda ko'p miqdorda chiroyli ibodatxonalar borligini anglatadi. Biz kamida bittasiga tashrif buyurishni maslahat beramiz — masalan, Singapurdagi eng yirik Buddist ibodatxonasi Kong-Man-San-Kar-Si monastiri. Sohilbo’yini aylanib chiqing va Xitoy kvartalida yoki biron bir savdo markazining oziq-ovqat kassasida mahalliy oshxona bilan tanishing.

Kipr
Yengil iqlimda dengizda cho’milish va ekzotik muhitni xohlaysizmi? Kipr sohillari bo'ylab sho'ng'in kruiziga boring: yozda u yerda chidab bo’lmas darajada issiq bo'lishi mumkin, lekin kuz va bahor mavsumi sayohat uchun yaxshi davridir. Sokin Larnaka, klub hayoti qaynaydigan Aya Napa, qulay Pafos yoki poytaxt darajasidagi Limassol — didingiz va atmosferangizga mos keladigan shaharni tanlang. Kiprda nima bilan shug’ullanish mumkin? Eski shahar ko'chalarida sayr qiling, toza dengizdan zavqlaning, arxitekturani o'rganing, qadimgi maqbara qazishmalarini izlang. Sizga Omodosga borishni tavsiya etamiz: bu o’z sharoblari bilan mashhur bo’lgan tog'li qishloq. 2016 yilda Oriflame Oltin konferensiyasi aynan o’sha yerda bo'lib o'tgan.

Palma-de-Mayorka
Shohona dam oling! Bu yil jahon shou-biznesi yulduzlari va Ispaniya qirollik oilasidan tashqari, Oriflame kuchli yetakchilari ham 2019 yilgi Oltin konferensiya doirasida Mayorkada ajoyib vaqt o'tkazishadi. Qilishingiz shart: La Reserva tabiat bog'idagi sharsharalar va ekzotik hayvonlardan hayratlanish, Formentor burnida "Oyi, men otkritkadagi rasmdaman!" deya imzolab, suratga tushing, va zamonaviy ispan san'at muzeylarini aylanib chiqing.

Stokholm
Shvetsiya poytaxti 57 ko'prik bilan bog'langan 14 oroldan iborat bo'lib, me'morchilik va dizayndan doimiy estetik zavq, Skandinaviya bir maromdaligi va katta shahar ritmining ajoyib uyg'unligi. Eski shahar atrofida sayr qiling, Ericsson Globe binosining panoramik liftiga chiqing, Nobel muzeyiga boring. Faol harakatda bo’lishni xush ko'radiganlar uchun layfxak: Qayiqni ijaraga olib, Malaren ko'li ustida sayr qiling va barcha orollarni o'rganib chiqing. Stokholmda juda katta miqdorda san'at galereyalari mavjud: istalganini tanlang, ammo vaqtingiz oz bo'lsa, biz eng yirigi – Moderna Museetdan boshlashingizni tavsiya etamiz. Qorningiz ochsa, biron bir ko'chadaga avtooshxonasiga borishingiz mumkin. Оstermalmshallen usti berk bozorida sizni chinakam shved taomlari kutmoqda. 2012 yilda Stokholmda bo'lib o'tgan Oriflame oltin konferensiyasiga shved qirolichasi Silviya tashrif buyurdilar – Sizga qirollik oilasi istiqomat qiladigan saroyga sayr qilishni maslahat beramiz.

Keyptaun
Janubiy Afrikaning asosiy shahri sizni yovvoyi tabiatning g'alayoni bilan hayratda qoldiradi. Yarim kun ichida shahar markazini aylanib chiqishingiz mumkin, shuning uchun sizga mashinani ijaraga olib, Kap yarimorolni aylanib chiqishni maslahat beramiz: u yerda ko'rishga arziguli narsalar talaygina! Yassi cho'qqisi bilan mashhur Stol tog'iga ko’tariling, Kirstenbosh botanika bog'i daraxtlari tepasidagi osma yo'l bo'ylab sayr qiling, Antarktidani Yaxshi Umid burnidan ko'rishga harakat qiling, hamda Valunlar sohilida pingvin bilan selfi qiling. Ko’cha ovqati hafsalangizni pir qiladi, bu yerdagi asosiy taom – burger va kartoshka fri – mahalliy taomni tatib ko’rmoqlik uchun istalgan supermarketga boring.

Los-Anjeles
Kaliforniya poytaxti uchun qo'llanma aynan shunday kattalikdagi maqolaning to'liq ikkitasidek bo’lishi mumkin. Ko'plab imkoniyat va taassurotlar – qaysi biridan boshlashni ham bilmay qolasan? Deyarli 120 km. keladigan hashamatli sohillar, yuzlab san'at galereyalari, kino ishqibozlari uchun shon-sharaf joylari va dunyoning barcha oshxonalarining eng yaxshi restoranlari: dam olish joyingizni tanlang va batafsil rejangizni tuzing. Ko’rishingiz shart: shaharning eng baland osmono'par binosi – Skyspacedagi shaharni tomosha qilish maydoni, ajoyib shahar manzaralari ochiladigan va bepul teleskoplar bilan jihozlangan Griffin observatoriyasi, Santa-Monika sohili va LACMA muzeyi.

Sidney
Qirollik botanika bog'idagi yoyma daraxtlar, dunyoga mashhur Opera uyi va Moviy tog'lar, quyoshli sohillar va serfing uchun eng yaxshi joylar – Sidney turli ko’rinishdagi joylari hayratda qoldiradi. Yovvoyi tabiatning go'zalligi sizni aqlingizdan ozdirishiga tayyormisiz? Featherdale bog’ida koalalar bilan tanishib oling. Ekstremal sport mashg’ulotlarini yoqtirasizmi? Unda dunyodagi eng katta po'lat ko'priklardan biri bo’lmish, Harbor-Brij arkasini kesib o’ting. Qulay Menlida dam olishgingizga va ajoyib Bondi sohilbo’yiga borishingizga ishonch hosil qiling.

Tokyo
Tokyoning har bir tumanini alohida shahar deb hisoblash mumkin. Agar siz ibodatxonalarni yoqtirsangiz va haqiqiy geyshalarning qanday yashayotganini ko'rishni istasangiz, Asakusaga tashrif buyuring. Xaridlarni amalga oshirish uchun Gindzaga, yapon ko’cha modasidan bahramand bo’lishni istasangiz Xaradjukaga borishingiz mumkin. Qadimiy ibodatxonalar, Imperator saroyi, osmono’par binolar, tomosha qilish maydonchalari – siz xarita yoki rejasiz bemalol Tokyoda sayr qilishingiz mumkin. Olmos direktorimiz Natalya Pasichnik sakura daraxtining gullashiga mehr qo’ydi va "Biz bu yerga yilning eng go'zal vaqtida keldik, ushbu manzarani umrim oxirigacha unutmayman" dedi.

Mayami
Florida shtatining asosiy dam olish joyi – hashamatli do'konlar, tungi klublar va oq qumli sohildan tashkil topgan mashhur Mayami-Bich. Sohilbo’yi bilan chegaralanib qolmang: Coconut Grove talabalar turar joyida sayr qiling, ko’p sonli zamonaviy san'atning muzeylaridan biriga tashrif buyuring, istalgan tungi klubda Lotin ritmida raqsga tushing, Viskaya villasida antiqa buyumlar to'plamini ko'rib chiqing, shaharning eng hayratga soladigan san’at makoni – Perez san’at muzeyi, Herzog & de Meuron kompaniyasining Shveytsariyalik me'morlari va dizaynerlari tomonidan qurilgan.

Malta
Malta tarixiga oson kirib borishni Mdinaga sayr qilish orqali amalga oshirish mumkin: 300 kishilik aholisi bo'lgan shaharcha ochiq osmon ostidagi muzeyga o'xshaydi, bu yerda hatto dunyo bo’ylab shov-shuvni keltirib chiqargan “Taxtlar O'yini” serialining bir necha qismlari suratga olingan. Qo’rqinchli va g’ayrioddiy narsalarga qiziqadiganlar Xal-Saflieniga borishlarini maslahat beramiz. Megalitik yerosti dargohi, 5000 yillik qo’rqinchli yerosti qabristoni. Xaridlarni amalga oshirish uchun poytaxt Valettaga borish tavsiya etiladi. 2010 yilgi Oltin konferensiya paytida shaharning asosiy maydoni Oriflame rahbarlari uchrashuvi uchun maxsus bezab chiqilgan: ular shahar yuragida kechki ovqatni tanovul qilishdi va muvaffaqiyatni birgalikda nishonlashdi.

So'zlar mualifi: Fotosuratlar muallifi: Oriflame