Oyoqlar uchun SPA-parvarish

1-QADAM: TERINI TOZALANG VA DAG’AL QOPLANGAN QISMLARNI OLIB TASHLANG
Boshlanishi uchun dush qabul qiling, so'ngra o'zingizni katta sochiq bilan o'rab oling, vannani iliq suv bilan to’ldiring, oyoqlaringizni tushurib, 5-10 daqiqaga dam oling. Samaradorligini kuchaytirish uchun musiqani yoqing, xushbo'y hidli shamchiroqlarni yoqing yoki sevimli kitobingizni oling (uyali telefoningizni esa o’z xonangizda qoldiring: bu SPA-ku!). Yakunlaganingizdan so'ng, dag’al terini oyoq egovchasi bilan ishqalashni boshlang. Metall tomoni dag’al teri va qavariqlarni olib tashlaydi, qumli tomoni esa terini ishqalab, tekislaydi. To'piqlar va oyoqning bosh barmog'i ostidagi qismiga alohida e'tibor bering, ular ko'pincha o’sha yerda hosil bo'ladi.

2-QADAM: SKRABNI QO’LLANG
Oyoq yuzasi silliq bo'lgach, o'lik terini olib tashlash uchun skrabni qo'llang. Oyoqlaringizni bir daqiqa davomida massaj qiling, so'ng nam sochiq bilan artib oling.

3-QADAM: PEDIKYUR QILING
Aytish oson! Jiddiy ravishda ko'rsatmalarga rioya qiling: tirnoqlaringizni tirnoq olgich yordamida ehtiyotkorlik bilan kesib oling, juda kalta qilib yubormang, 1-2 mm qoldiring, tirnoq burchaklarini kesib yubormang. Burchaklar yanada yumaloq tus olishi uchun tirnoqlarni egovcha bilan qirib oling. Qulaylikni oshirish uchun pedikyur ajratuvchilaridan foydalaning. Rangli tirnoq lakidan avval doimo himoyalovchi asosni qo'llang. Shunday yo’l bilan, rangli tirnoq laki tirnoq plastinkasini dog' qoldirmaydi, rang uzoq vaqt mobaynida saqlanadi va tirnoq lakini tozalash vositasi yordamida osongina olib tashlanadi.

4-QADAM: TIRNOQ KUTIKULASI MUAMMOSINI HAL QILING
Ehtimol, spa-parvarishning eng xordiq chiqaruvchi qismidir. Agar siz hali ham sevimli kinofilmingiz yoki podkastingizni kiritmagan bo'lsangiz, buni hoziroq amalga oshiring. Bu siz uchun ham foyda, ham go'zallik beradi. Keyin zardobni oling va har bir tirnoqga bir-ikki tomchi tomizing. Vosita qurigunicha 1-2 daqiqa kutib turing, keyin esa manikyur yog'och tayoqchasi yordamida ehtiyotkorlik bilan tirnoq kutikulasini itarib chiqaring. Katta kutikulani olib tashlash uchun maxsus kesgichdan foydalaning, juda ehtiyotkorlik bilan harakat qiling. Agar siz keragidan ortiq kutikulalarni kesib qo'ysangiz, burmalar va hatto infektsiya tushish xavfi paydo bo’ladi.

5-QADAM: NAMLANTIRUVCHI VOSITANI QO’LLANG
Siz kuniga qancha vaqt mobaynida poyabzalda bo’lasiz? Taxminan 8-10 soat davomida. Bunga paypoq va kolgotkalarda yurishingizni qo’shsak — oyoqlaringiz tom ma'noda yarim umringiz davomida berk holatida bo’ladi. Natija: quruq va dag’al teri, kutikula muammolari va qavariqlar yuzaga keladi. Biz ularni bir necha qadam avval hal qildik, ammo ular yana paydo bo'lmasligi uchun maxsus parvarish vositalaridan foydalanishni o’zingizga odat qilib oling. Masalan, Feet Up Advanced qavariqlarga qarshi terini yumshatuvchi oyoq zardobi. Birinchi marotaba qo'llanganidan so'ng, u terini sezilarli darajada yumshatadi, bir hafta ichida esa qavariq va teri dag’alligini yo'q qiladi. Zardob tarkibida choy daraxti moyi, salitsil kislotasi va terini himoyalovchi qator minerallar mavjud.

6-QADAM: AKSESSUARLARGA NISBATAN E’TIBORSIZ MUNOSABATDA BO’LMANG
Ko’pincha baland poshnali poyabzalda yurasizmi? Kun oxirida oyoqlaringizga bo’lgan bosim va noqulaylikni kamaytirish maqsadida gelli tovonosti yostiqchalari yoki gelli poyabzal oxircho’plari va oyoq bosimini yechish gelini qo’llang.

7-QADAM: HAYOTINGIZNI YENGILLASHTIRING
O'rtacha, hayotimiz davomida biz to'rt yuz ming kilometr yuramiz. Bu juda ko’p. Bu yo'l har doim ham oson kechmaydi. O’zingizga g’amxorlik qiling. Oyoqni parvarish qilish uchun vaqt toping. Agar sizda yassioyoqlik bo'lsa, poyabzal ostiga maxsus taglikni kiying. O’z vaqtida doktor ko’rigidan o’ting. Umumiy dushxona, hammom yoki saunada, basseyn va SPA-salonida yalangoyoq yurmang. O'z o'lchamingiz, to'liqligingiz va balandligingizga mos sifatli poyabzalni tanlang. Ushbu oddiy qoidalar sizga boshingizni baland tutib, har qadamda zavqlanishingizga imkon beradi.