Nima uchun kosmetik vositalar surkalib tushadi?

Sevimli kashmiri sviteringiz mayda donachalar bilan qoplanib ketgani esingizdami? Xuddi shu narsa ba'zida bizning kosmetik – parvarish va makiyaj vositalarimiz bilan ham sodir bo'ladi. Qo’llayotganingizda – u barmoqlaringiz ostiga siljib ketadi. Bu nima sababdan sodir bo'ladi va takrorlanmasligi uchun nima qilinishi zarur?

Kosmetik vositalar surkalib tushganida, aslida nima sodir bo'ladi?
Agar biron bir sabablarga ko'ra, vosita teriga emas, balki boshqa-bir vositaga qo’llanilgan bo’lsa, terini parvarish qilish vositalari surkalib tushadi. Natijada, namlantiruvchi yoki tonal kremi mayda kulrang bo'lakchalarga yig’ilib, teridan to’kilib tushishi mumkin. Vaziyat yoqimsiz, ayniqsa kechikayotgan bo’lsangiz — barchasini qaytadan boshlashingiz kerak bo’ladi.

Buning sababi nimada?
Kosmetikani surkalib tushishini ko'plab omillar va omillar jamlanmasi qo'zg'atadi. Biz quyidagi asosiy sabablarini aniqlab oldik:

1. Vositani haddan tashqari ko’p miqdorda qo’llash
Ko'proq krem qo’llash kerak degan qolipdan voz keching — shunda u 100% ta'sir qiladi. Aslida esa, ortiqcha vosita teriga so'rilmay, sirg'alib tushishi mumkin. Sizga bir nechta no’xatdek kichik donachalar zarur bo'ladi! Mahsulot qorishmasiga e'tibor bering: u teringizga zich yoki og'irlik qilmaydimi?

Qanday to'g'ri qo’llash zarur? 
Vositani ozroq miqdorda, teringizga mos va to’liq so'riladigan yengilroq qorishmada qo’llang.

2. Shoshilinch
Keng-qamrovli parvarishdan foydalanganda har bir vositani teriga singishini kutish kerak va shundan so’ng keyingisini qo’llash mumkin. Agar yuzingiz zardobdan hamon ho'l ekaniga qaramay, ustiga kremni qo'llasangiz, ikkala qatlam ham surkalib tushadi.

Qanday to'g'ri qo’llash zarur?
Kundalik mahsulotlar orasida tanaffus qiling va ularning har biri to'liq so'rilganligiga ishonch hosil qiling. Tanaffus vaqtida, boshqa choralarni ko'ring: masalan, namlashdan so’ng tishlaringizni yuving yoki sochlaringizni yotqizib, keyingina tonal kremga o'ting.

3. O’lik terilarni yetarlicha olib tashlanmaganligi
Agar siz piling va skrablarni e'tiborsiz qoldirsangiz, parvarish va makiyaj barqaror ravishda siljib tushaveradi. Teri yuzasidagi o'lik xujayralar vosita tarkibidagi foydali va ozuqaviy moddalarni o'zlashtirmaydi.

Qanday to'g'ri qo’llash zarur?
Hujayra yangilanishini kuchaytirish uchun teringizni parvarish qilish marosimiga muntazam ravishda o’lik terilarni yo’qotishni kiriting. Bu sovuq mavsumda, ayniqsa oddiy terining qurishi va tozalanishidan aziyat chekmasligi uchun juda muhimdir. Bizga NovAge pilingi yoqadi, u teri yangilanishini kuchaytiradi va porlashini qaytaradi.

4. Bir-biriga mos kelmaydigan mahsulotlar
Bir xil xususiyatli vositalar ba’zan bizga huzur yoki azob beradi. Masalan, silikonga asoslangan vositalarni olaylik — praymer yoki tonalning bir qismi sifatida ular teri namligi yo'qolishidan bartaraf etadi va teri sirtini tekislaydi. Afsuski, bu shuni anglatadiki, agar siz bunday ohang yoki praymerni, tarkibida silikon mavjud bo’lgan namlantiruvchi kremni qo'llasangiz, mahsulotlar bir-biri bilan qorishib, to’kila boshlaydi.

Qanday to'g'ri qo’llash zarur?
Tarkibida silikon bo’lgan vositalarni bir-birini ustidan qoplamang. Namlantiruvchi krem tarkibiga e'tibor qarating, -thicone prefiksli ingrediyentlarni qidiring.

5. Noto’g’ri qo’llash tartibi
Maktabdagi kimyo darsidan biz yog’ va suv aralashmasligini eslaymiz. Ushbu qoida, shuningdek, suv va yog'ga asoslangan namlantiruvchi vositaga ham tegishlidir. Birinchi bo’lib, namlantiruvchilardan boshlang, ular tez va oson so'riladi — moyli mahsulotlar esa oxirda qo’llanilishi zarur. Agar buni teskari ko’rinishda qilsangiz, moyli qorishma terining yuzasida himoya parda hosil qiladi va suvga asoslangan vositalarning so'rilishiga yo'l qo'ymaydi.

Qanday to'g'ri qo’llash zarur?
Vositalarni qo'llash tartibiga qat'iy rioya qiling va kompozitsiyalarni diqqat bilan o'qib chiqing.

Matn: Foto: Oriflame