Ichakning optimal ishlashi buzilganida, ich kelishi u orqali juda sekin o‘tadi va bu jarayonda juda ko‘p namlikni yo‘qotadiki, bu ich qotishi, qorin dam bo‘lishi va bezovtalikka olib keladi.
Birinchi navbatda yetarlicha ozuqaviy tolalarni iste’mol qilayotganimiz va kerakli miqdordagi suvni ichayotganimizga ishonch hosil qilish kerak. Ammo jismoniy mashqlar ham peristaltikani tezlashtirishga yordam berishini bilasizmi? Aerobika, yugurish, suzish va raqslar qon aylanishini yaxshilaydi, yoga esa ichki a’zolar uchun massaj vazifasini bajaradi.
Mana bir nechta samarali mashqlar.
1. O‘tirgan holatda buralish
Boshlang‘ich pozitsiya: gilamchada o‘tirib, oyoqlaringizni oldingizga tekis qilib cho‘zing, orqangizni to‘g‘rilang. Chap oyog‘ingizni egib, to‘liq oyoq kaftingizni o‘ng tizzangizning tashqi tomoniga qo‘ying. Bukilgan oyoqni o‘ng qo‘lingiz bilan ushlang va iloji boricha yaqinroqqa bosing. Chap qo‘lingizni gilamchaga qo‘ying va egiluvchanligingiz imkoni qadar tanani chap tomonga ehtiyot qilib aylantiring. Bir necha soniya ushlab turing va dam oling. Tananing har ikki tomonida 10 marta takrorlang.
2. Burma
Boshlang‘ich pozitsiya: orqangizda yotib, o‘zingizni bo‘sh qo‘ying va oyoqlaringizni buking. Qo‘llaringiz bilan tizzangizni quchoqlang va , qorin va qo‘llaringiz mushaklarini taranglashtirib, ko‘ksingizga mahkam bosing. Bir necha marta u tomondan bu tomonga chayqaling, so‘ngra oyoqlaringizni qo‘yib yuboring va bo‘shashing. 5 marta takrorlang.
3. Vertikal burma
Boshlang‘ich pozitsiyas oyoqlar yelka kengligida. Bo‘yin umurtqasidan boshlab, peshonangiz bilan tizzangizgacha yetib borishni xohlaganingizdek, iloji boricha asta-sekin yelkangizni eging. Ikralaringizni qo‘l bilan quchoqlab oling, tanani tizzangizga sekin torting va bir necha soniya ushlab turing. 10 marta takrorlang.
