To'xtovsiz: hayotingizga o'zgarish kiritishingizga to'sqinlik qilayotgan omillardan xalos bo'lish

Maqsad ko'rinmoqda, to'siqlar esa ko'rinmayaptimi? Аslida esa to'siqlar mavjud bo'lib, o'zingizni 100% anglashingizga xalaqit bermoqda. Bular: odatiy fikr-mulohazalar asossiz g'oyalar, qo'rquv va o'zini tutishdagi odatlar bo'lib, inson ularni o'zida payqab olishi qiyin masala hisoblanadi. Ular barcha xatti-harakatlarimizga ta'sir qilib, orzularimizni amalga oshirish yoki hayotimizga yangilik kiritish yo'limizda to'siq bo'ladi. Biz sizga ichki raqiblaringizni bilib, ularni qanday bartaraf etish haqida so'zlab beramiz.

ICHKI TANQIDCHI 
Siz ishtiyoq bilan ish joyingizga o'tirasiz, tasodifan hayolingizda quyidagi fikr yuzaga keladi: «Hech narsa o'xshamaydi, qo'l urish ham kerak emas. Buning keragi ham yo'q – bekorga vaqtimni yo'qotganim qoladi». Aynan shu va shu kabi hayollar – ichki tanqidchi ovozi bo'ladi. Aslida esa bu – ichki himoya refleksidir. U faoliyatingiz sifati hamda o'broingiz va samaradorligingiz haqida qayg'uradi, salbiy elementlardan himoya qilmoqchi bo'ladi. Ammo ushbu himoya o'ta qattiqqo'l bo'lib, sizni cheklaydi va hayot kechirishingizga to'sqinlik qiladi.

Qanday yo'l tutish kerak?
Birinchidan: qachonki o'zingizni tanqid qilishdan to'xtasangiz, o'z ustingizda ishlashdan to'xtamasligingiz haqida anglov hosil qilishingiz kerak. boshqa tarafdan esa, hayotingizda kamroq surunkali asabiylashasiz, chunki o'zingizni tanqid qilishingiz asabiylashishga olib keladi. Sizga yerga urmasdan ichki rivojlanishingizga turtki bo'ladigan o'zga yo'llar haqida fikr yuritib ko'ring. O'zingizga ijobiy munosabatni shakllantiring, bilingki hech narsaga qo'l urmaydigan insongina, xatoga yo'l qo'ymaydi.

O'ZINGIZGA QARSHI FITNA
Aql bovar qilmaydigan yoki shaxsiy manfaatlaringizga zid bo'lgan xatti-harakatlarni amalga oshirganmisiz? Masalan, muhim uchrashuvdan bir kecha oldin o'tirishlarda qolib ketish, qiziqarli tadbirga yozilishni so'nggi daqiqagacha cho'zib, keyin uni o'tkazib yuborish, kelajagi yo'q ishxonada muqim qolib ketish va hokozolar o'zingizga qarshi fitna bo'lishi mumkin. asosan yuqorida keltirib o'tilgan vaziyatlarda siz o'zingizni oqlash uchun bohonalar topasiz yoki «esingizdan chiqib qoladi», bu esa o'z navbatida qulay imkoniyatlardan foydalanmaslikga olib keladi. Ushbu «harakatlar» ostida birinchi navbatda qo'rquv yotadi. Siz yangi yoki noodatiy harakat amalga oshirishdan qo'rqasiz. Balki sizni muvaffaqiyat qo'rqitadi? Bunday qo'rquv ortida birovlarni xasadiga duch kelmaslik yoki muvaffaqiyat ortidagi ma'suliyatni olishga tayyor emasligingiz bo'lishi mumkin.

Qanday yo'l tutish kerak?
Qanday yo'l bilan va nima sabab tufayli o'zingizga qarshi fitna uyushtirayotganingiz haqida bilib oling. Keyin esa har bir vaziyatda ongli va o'z manfaatlaringiz haqida qayg'urib harakat qiling. Misol uchun, bajarilishi zarur bo'lgan vazifalar ro'yxatini tuzing va har bajarilgan vazifa ustidan ruchka bilan o'tkazing, bu esa sizni vazifalarni bajarishda davom ettirishga ilhomlantiradi!

CHEKLOVCHI G'OYALAR
«Muvaffaqiyatga faqat og'ir mehnat orqali erishsa bo'ladi», «Tanlovim yo'q», «Biznes – yuqori xavfli faoliyat», «Men hech narsaga ta'sir o'tkaza olmayman, shunga boshlamaganim tinch». Ushbu so'zlarni birlashtiruvchi omil nimaligini bilasizmi? Bularning barchasi cheklovchi g'oyalar bo'lib, inson harakati va dunyoqarashini belgilaydi. Ushbu g'oyalar shunchaki yuzaga kelmaydi va asosan Ota-Onamiz yoki tanishlarimiz ta'sirida shakllansa, ayrimlari shaxsiy tajribamizdan han shakllanadi. ushbu cheklovlarni hayotimizga ta'siri o'ta yuqori bo'lib, asosan katta maqsadlarni o'z oldimizga qo'yishga xalaqit qiladi.

Qanday yo'l tutish kerak?
Inventarizatsiya o'tkazing: hayotingizni cheklayotgan g'oyalarni birma-bir yozib chiqing. «Keyin esa bunday emas o'zgacha yo'l tutsamchi?» degan savolni o'zingizga bering. O'zgacha yo'l tutsangiz oldingizda qanday imkoniyatlar yuzaga kelishi haqida tasavvur qilib ko'ring.

O'ZINGIZGA O'TA PAST BAHO BERISHINGIZ
Siz tez taslim bo'lasiz va ko'pincha yangi va g'ayrioddiy narsa qilishdan ikkilanasizmi? Yoki o'zingizni eng yaxshi deya barchaga zo'r ekanligingizni ko'rsatishga harakat qilyapsizmi? Bu vabunga yaqin boshqa vaziyatlarda biz chinakam o'zini o'zi qadrlash emas, balki inson imkoniyatlari va cheklovlari, kuchli va zaif tomonlarini noto'g'ri tushunish haqida gapiramiz. Sababi shundaki, atrofimizdagilar bolaligimizdan bizga ijobiy va salbiy yorliqlarni qo'yishadi («sen dangasa odam bo'lmaysan», «qo'lingan bir ish kelmaydi», «aqlli bolakay», «bu bolani xarakteri kuchli ekan») va aslida biz kim ekanligimizni tushuna olmaymiz.

Qanday yo'l tutish kerak?
Kim ekanligingizni yaxshiroq bilib oling! Oldin bajarmagan yangi vazifalarni bajarib ko'ring, tajriba orttiring va qanday hunar va fazilatlarga ega ekanligingiz, nimalarga qodir ekanligingiz haqida xulosa chiqaring. Ushbu bilimlarga asoslanib, siz o'zingiz uchun qanday vazifalar belgilashingizni va ularga qanday erishishingiz haqida tasavvur hosil qilasiz.

Matn: Foto: Oriflame