1. SOG'LIG'INGIZ HAQIDA QAYG'URING
Bizning naqadar baxtli bo'lishimiz, o'zimizni qanday his qilishimizga bog'liq bo'ladi. Ubu joyimizda og'riq yoki shikast bo'lsa, ish sifatimiz pasayadi, tez toliqamiz va hayotdan rohat olmaymiz. Shu uchun birinchi navbatda sog'lig'imizga sarmoya qilishimiz zarur. Bu yerda gap nafaqat tabib ko'rigidan o'tish, balki sog'lom ovqatlanish va jismoniya mashg'ulotlar bilan shug'ullanish haqida ketmoqda. uyquga to'yish, vaqtida mehnat tatiliga chiqish, organizmni vitaminlarga boyitish, qulay poyabzal harid qilish va ish joyini umurtqaga og'irlik tushmaydigan qilib tashkillashtirish ham muhim ahamiyatga ega.
2. CHIROYINGIZGA URG'U BERING
Bu juda oson va maroqli. Masalan, terini parvarishlash vaqt talab qilmaydi, bu uchun tongda va kechga yaqin bir necha daqiqa kerak xolos. ushbu sarmoya o'z «natija»sini juda tez beradi. Birinchidan, bu sizga rohat baxsh etadi, ikkinchidan, bu teri chiroyi va yosh ko'rinishini saqlab qolish, o'ziga ishonch oshirishni eng oson yo'li. Bunday benuqson asos bilan o'zingizni uslubingizni shakllantirish ancha oson bo'ladi. Makiyaj qilishning oson yo'llarini o'rganib oling, o'zingizga mos aksessuarlarni tanlab oling, yangi soch turmaklarini qilishni o'rganing, va albatta atir haqida unutmang. endi yahshi taasurot qoldirish sizga qiyinchilik tug'dirmaydi!
3. MIYANGIZNI KUCHAYTIRING
Miyani kuchaytiradigan mashg'ulotlar toping: har hafta 1ta kitobni o'qib tugatishni yoki xorijiy til o'rganishni qo'ying. Bu fikrlash qobiliyatini kuchaytiradi, dunyoqarashni kengaytiradi va ko'pgina narsalarga nisbatan munosabatingizni o'zgartiradi. Agar sizda yirik sarmoyalar qilishga imkoniyatingiz bo'lsa, ta'limga sarmoya qilganingiz ma'qul. Yangi ma'lumot olish yoki mutaxassisligingizni aniqlash uchun master-klass, trening, vebinardan boshlasangiz bo'ladi. Maqsadingiz o'z sohangiz bo'yicha mutaxassis bo'lish bo'lsa, malakani oshirish kurslari yoki qo'shimcha ta'lim haqida fikr yuritsangiz bo'ladi. Bu sizni raqobatdoshligingizni oshiradi va yanada ko'proq natijalarni erishishingizga xizmat qiladi, chunki siz o'zgalarda mavjud bo'lmagan mahorat egasiga aylanasiz.
4. MULOQOT QILING
Ushbu yo'lni pulga umuman aloqasi yo'q. Tanishish va yaqin aloqalarni o'rnatish uchun katta miqdorda vaqt, kuch va ishtiyoq talab etiladi, ammo javobiga siz ham yetarli narsalarga ega bo'lasiz. Ruhiy dalda, qiyin vaziyatlarda yechim topishda yordam, maslahat, kerakli insonlar bilan tanishuv, ilhom – bularning barchasini sizga muloqot qiladigan insonlaringiz berishi mumkin. Sizni rivojingizga hissa qo'sha oladigan va o'zingiz xush ko'radigan insonlarni online va offline guruhlardan izlab toping, tanishing va muloqot qilishni boshlang!
5. HAYOTINGIZNI YORQIN LAHZALARGA BOY QILING
Sayohat, qiziqarli tadbirlar va ko'ngilochar narsalar – sizga ijobiy his-tuyg'ular va energiya beradi. Agar siz vaqti-vaqti bilan ko'nikkan qulay sharoitingizdan chiqib, g'ayrioddiy ish qilsangiz, yangi joylarni ziyorat qilsangiz, sizni qadr-qimmatingiz oshadi va hayotingizni yorqin yashayotganingizni his qilasiz. Sizdan tarqalayotgan quvonch ruhi boshqa insonlarni siz tomon jalb qiladi. Chunki o'z baxtiga erishish ilinjisi barchaga xosdir.
