Oilaviy Yangi yil: bizning fikr va g'oyalarimiz

Oldindan uzoq kutilgan ta'til va bayramlar. Har yili o’zimizga bayrami antiqa qilishni va'da qilamiz va keyin yo'qolgan vaqtni afsus qilamiz: hech qanday reja bo'lmagani tufayli, divan va oynai jahon ko'rsatuvlari tasodifiy rejaga aylanadi. Biz o'zingiz yoki oila davrasida amalga oshirishingiz mumkin bo'lgan bir nechta g'oyalarni to'pladik: so’z beramizki, zerikmaysiz!

Unutilmas albomni yasang
O'n yil oldin, biz bir oila bo'lib yig'ilar edik va o'tmishdagi iliq onlarni eslab, fotoalbomlarni tomosha qilardik. Endi esa, bizning raqamli asrimizda kadrlar telefon xotirasida qoladi, keyin esa unutiladi. An'analarni yana yodga solish vaqti keldi. Studiyada yoki oddiy printerda eng yaxshi fotosuratlarni chop eting, karton varaqli albomni xarid qiling va o'tgan yilning baxtli onlari kundaligini tuzing. Butun oilani ushbu jarayonga jalb eting: bolalar rasmlarni chizib, kesib, yopishtirishlari mumkin. Turli xildagi dekor albom sahifalarni bezash uchun qo’l keladi: yopishqoq stikerlar, munchoq va lentalar. Balki sizda bir marta sayr qilib, kitob sahifalariga joylashtirgan quritilgan gullar yoki kuzgi barglaringiz mavjuddir?
Fotosuratlar yonida har kim o'z xotiralarini yozishiga ruxsat bering: bu kun qanday o'tganini va sizni nima quvontirganini so’zlab bering. Hayotingizni keyingi bobini ochmoqlik uchun ushbu bobini yoping. Hayotingizni keyingi bobi avvalgisi kabi yorqin bo'lsin!

Yangi yil kinomarafonini tashkillashtiring
Kundalik og'ir hayotimizda shunchaki dam olish va kino tomosha qilish uchun vaqt deyarli bo'lmaydi. Xo'sh, bu chinakam film namoyishini tashkillashtirishimiz uchun qulay sharoit bo’ladi! Eng qulay Yangi yil komediyalarini tanlang, gilamcha va yostiqlarni oldingizga to'plang. Hech bo'lmaganda bitta multfilmni dasturga qo'shing — farzandlaringiz xursand bo'ladi. Yangi yil taomlarini tayyorlang: mevali ichimlik, zanjabil pryanik, zefir va kakao. Kerak bo’lsa butun dunyo kutib tursin!

Uyingizda qulaylikni yarating
Uyingiz ichki makonini bir necha soat ichida, oilangiz bilan qiziqarli va arzonga yangilashingiz mumkin. Uyingizni bezatish — Yangi yil kayfiyatini yaratishingizni ajoyib usuli. Agar sizning oilangizda hali bunday odat bo'lmasa, uni tadbiq qilish vaqti keldi. Eng yaqin mebel do’koniga boring va oilaning har bir a'zosi o'ziga yoqadigan narsani tanlashiga imkon bering. Yangi yostiqlar, shamchiroqlar yoki yorqin gulchambarlar arzon turadi, lekin kvartira ko'rinishini tubdan o'zgartirishi mumkin. Maxsus bayramona dasturxonni xarid qiling. Siz uni Yangi yil bayramiga saqlashingiz mumkin — yoki kechki ovqatga olib chiqishingiz mumkin. Har kuningiz o'zgacha tusga ega bo’lsin!

 

… lekin ba'zida uydan chiqib turing
Yangi yil bayramlarida uyda qolib ketish juda oson. Faol bo'ling! Shahardagi muz saroyiga boring, qor o'ynang, chanada uching, qishki sport turlarini o'rganishga harakat qiling. Balki issiqda yashinib turmoqchimisiz? Mahalliy muzeylarga sayr qiling: dam olish kunlari ba'zi ko'rgazmalar bepul bo’ladi. Yana bir ajoyib variant — bolalar teatridagi spektakllari yoki Archa bayramiga boring.

 

Boshqa mamlakatining urf-odatlari kunini belgilang
Agar siz ushbu yangi yil bayramlarida biron bir joyga bormasangiz, uyingizda turib sayohat qilishingiz mumkin. Boshqa mamlakatning an'analari kunini belgilang – masalan, Shvetsiya kuni. Ushbu mamlakatning ranglarida kiyining, taomlarini pishiring, mahalliy san’atkorlarining qo’shiqlarini tinglang. Mamlakat tarixi haqida ko'proq ma'lumot oling, ularning bayram an'analarini o’rganing, hatto sinab ko'ring, bu yerda o’sha davlat filmini tomosha qiling. Boshqa mamlakat madaniyatiga chinakam sho’ng’ish bo’ladi.

SPA-jarayonlaridan bahra oling
Ish kunlarida sevimli go'zallik marosimlari tez-tez bajarilishi kerak — ta'tilda hech qayerga shoshilmaslik juda yoqimli tuyg’udir. Issiq xushbo'y ko'pikli hammom, sevimli yuz niqobi — uzoq vaqt davomida kutilgan barcha narsalarni bajaring. Suv muolajalaridan keyin miltillovchi zarrali tana moyini qo'llang: shunchaki porlang! Oilamizning kichik a'zolari esa sevimli qahramonlari tushirilgan sovun va hammom ko'piklariga yuksak baho berishadi.

Matn: Foto: Oriflame